F1 အကြောင်းသိကောင်းစရာ

Singapore Grand Prix ဆိုတာ Formula One ကားပြိုင်ပွဲဖြစ်ပြီး စင်္ကာပူနိုင်ငံမှာ ၂၈ ရက် စက်တင်ဘာ ၂၀၀၈ မှာဖွင့်လှစ်တာဖြစ်ပါတယ်။ ကားပတ်လမ်းမှာ စင်္ကာပူ Marina Bay တလျောက်ဖြစ်ပြီး ပထမဦးဆုံး ညဘက်မှာပြုလုပ်တဲ့ ကားပြိုင်ပွဲလည်းဖြစ်ပါတယ်။ သူရဲ့ ပြေးလမ်းကြောင်းကတော့ မြွေလိမ်မြွေကောက်ပါပဲ။ သည်းထိတ်ယဉ်ဖိုပါ။ ပြိုင်ပွဲရဲ့ ပြေးလမ်း ပတ်လမ်းကြောင်းမှာ ၅.၀၆၇ ကီလိုမီတာ ဖြစ်ပြီး အပတ်ပေါင်း (၆၁) ပတ်၊ အားလုံးပေါင်း လမ်းအရှည် ၃၀၉.၀၈၇ ကီလိုမီတာဖြစ်ပါတယ်။


သည်လို Formula One ပြိုင်ပွဲ မပေါ်ပေါက်ခင် စင်္ကာပူမှာ ၁၉၆၀ နှင့် ၁၉၇၀ တို့မှာ Formula Libre ပြိုင်ပွဲဆိုပြီး Thomson Road ကားပတ်လမ်းအဖြစ် အသုံးပြု ယှဉ်ပြိုင်ခဲ့ကြသေးတယ်။ ပထမဆုံးပေါ်ပေါက်လာပုံ သူရဲ့ History လေးက ဒီလိုပါ။ ပထမဦးဆုံး စတင်ပြီးဖြစ်ပေါ်လာခဲတာကတော့ ၁၉၆၁ ခုနှစ်မှာ Orient Year Grand Prix ပြိုင်ပွဲရယ်လို့ စတင်ခဲ့တာပါ။ နောက်ပိုင်းမှာ တော့ ပြိုင်ပွဲနာမည်ကို Malaysian Grand Prix ရယ်လို့ ပြောင်းလဲ ခေါ်တွင်လာခဲ့တယ်။



၁၉၆၅ ခု စင်္ကာပူနိုင်ငံ လွတ်လပ်ရေးရပြီးနောက်ပိုင်းမျာမှာတော့ Singapore Grand Prix ပြိုင်ပွဲရယ်လို့ Thomson Road ကို ပတ်လမ်းအဖြစ်သုံးပြီး ကျင်းပခဲ့ပါသေးတယ်။ ၁၉၇၃ ခုနောက်ပိုင်းမှာ ပြိုင်ပွဲကို ဆက်လက်ပြီး မကျင်းပဖြစ်တော့ပါဘူး။ အကြောင်းကတော့ မီးပွိုင့်တွေ များပြားလာမှု၊ ပြိုင်ပွဲလုပ်တော့မယ်ဆို ပိတ်ဆို့တားဆီးရမဲ့ လမ်းပန်းဆက်သွယ်ရေးနှင့် သေဆုံးမှု အက်ဆီးဒင့်တွေကြောင့် ဆက်လက်မကျင်းပဖြစ်ကြဘူး။
စင်္ကာပူနိုင်ငံက ၁၅ ကြိမ်မြောက် F1 ပြိုင်ပွဲ အိမ်ရှင်နိုင်ငံအဖြစ် ၂၀၀၈မှာ FIA ကနေ ကျင်းပခွင့်ရရှိခဲ့တယ်။ သည် F1 ကားပြိုင်ပွဲဟာ သူရဲ့ နောက်ကြောင်းရာဇ၀င်မှာ ပထမဆုံး ညဘက်ကျင်းပတဲ့ပွဲလည်းဖြစ်ပါတယ်။ ညဘက်လုပ်တယ်ဆိုတာကလည်း တကယ့်လိုက်ရှိုး ထုတ်လွှင့်ချိန်ဟာ Europ TV ပရိတ်သတ်အတွက် အားပေးလို့ အဆင်ပြေတဲ့ အချိန်လေးဖြစ်နေပါတယ်။ သည်ပြိုင်ပွဲကို စင်္ကာပူနိုင်ငံရဲ TeleCom Company ဖြစ်တဲ့ SingTel က စပွန်ဆာပေးလို့ FORMULA 1 SingTel Singapore Grand Prix လို့ လည်းအမည်တွင်ပါတယ်။ စင်္ကာပူ အစိုးရက ဘေအားလုံးရဲ့ ၆၀% မတည်ငွေအဖြစ် စတင်ပေးပါတယ်။ လက်မှတ်အရေအတွက်ကလည်း တသိန်းကျော်ပါတယ်။ သည်နေ့ ၂၈ စက်တင်ဘာနော်။ ကျွန်မ တချက် on line sale ကို ကြည့်လိုက်တော့ နေရာပေါင်း နယ်မြေ(၈)နေရာ အားလုံးက မရနိုင်တော့ပါဘူးပဲ၊ တန်ဖိုးကတော့ အစားစားပါပဲ။ City Hall လို နေရာမျိုးမှာတောင် ၂၀၀ ကျော် ၃၀၀ နီးပါး စင်္ကာပူဒေါ်လာလောက်ရှိပါတယ်။ သိပ်ဗျူးမကောင်းပါဘူး။ အကွေ့နားမှာပါ။ ဗျူးကောင်းတဲ့နေရာတွေဆို ထောင်ကျော်တန်ပါတယ်။ စင်္ကာပူက ဟော်တယ်တွေတော်တော်လေး အလုပ်ဖြစ်သွားကြပါတယ်။ Visitor တွေတော့ Night Safri တို့ ကျွဲလေးနွားလေး ပြတာတို့၊ Jurong Bird Park လို့ ကြော်ငြာကောင်းကောင်းများဟာ တကယ့်သွားကြည့်တာထက်ပို့ကောင်းတာကြောင့် လူတွေကို သေချာပေါက်ကြည့်ဖြစ်ဖို့ ဖမ်းစားမှာသေချာပါ။ ၀င်ငွေတော်တော်လေး အိုကေမှာပါ။ မလေးရှားက ဟော်တယ်များလည်း အလုပ်ဖြစ်ပါတယ်။ ၂၇ စက်တင်ဘာ ၂၀၀၈ မနေ့ကတော့ Felipe Massa က ကွာလီဖိုင်းမှာ ဗိုလ်စွဲခဲ့တယ်လို့ ကြားတယ်။ ကျွန်မတော့ မကြည့်ဖြစ်ပါဘူး။ ကျွန်မရဲ့ အိမ်သူကြီးက ပြောပြတာ။ သူတို့ Company က Forklift တွေကို အစီး(၂၀) အကူအညီပေးပြီး ဆော်ပလော်ကွီသွားတဲ့ကားတွေကို အကူအညီပေး သယ်ပေးဖို့ပါ။ ကျွန်မလည်း လိုက်ချင်လို့မေးကြည့်သေးတယ်။ ရဘူးတဲ့။ သူက လုံခြုံရေး အရမ်းတင်းကြပ်တယ်တဲ့။ ကိုယ့် Service Security Card နဲ့ တစ်ယောက်ပဲ ၀င်ရတာတဲ့။ ၀ယ်ပြီးလည်း ကြည့်ရမှာ နှမြောသား။ နှစ်ရာကျော်ဆို ဆံပင်လေးဘာလေး သွားပြီး ဖြောင့်တာတို့ treatment တို့ပဲလုပ်ပြစ်လိုက်ချင်တယ်။ အ၀တ်အစားပဲ လှတာလေး ပြေးဝယ်လိုက်ရင်ကောင်းသား။ သည်နေ့လည်း TV ကပဲ ကြည့်မှာပေါ့နော့်။ ဟီး။ ကျွန်မ သည်အကြောင်းအရာလေးကို ၀ီကီကနေ ဘာသာပြန်ထားတာပါ။ သူများလိုလည်း ဘလော့ချင်တယ်။ ရေးလည်း မရေးတတ်။ ဗဟုသုတကလည်း သိပ်ကြီးကြွယ်လှတယ် မဟုတ်တော့။ ရှာဖွေကြိုးစားထားတာ။ ဖတ်တဲ့လူလည်း ရှိပုံမရလည်း ၀ါသနာအရပါ။ မှားတာလေးတွေပါရင် နားလည်ပေးပါ။